«Ադրբեջանի մեքենաներն անցնում են, մերը չեն թողնում. ո՞նց հասկանանք». կոնյակագործ
«Վրացիների հետ մենք հին ժողովուրդ ենք, չենք հասկանում՝ ինչ է կատարվում»,- այսօր Վրաստանի դեսպանատան դեմ բողոքի ակցիայի ժամանակ ասաց կոնյակագործ տղամարդը:
Վերջինս նկատեց՝ իրենց մեքենաները նույնպես կանգնած են անցակետի տերմինալում, և հայտնի չէ՝ երբ կանցնեն:
«Ադրբեջանի մեքենաներն անցնում են, մերը չեն թողնում. Ո՞նց հասկանանք»,- ասաց նա:
Նրա խոսքով՝իշխանությունը խնդրից տեղյակ է, դիմել են Էկոնոմիկայի նախարարություն, և իշխանությունն այկստեղ անելիք ունի:
«Եթե մեր ռուս գործընկերները ժամանակին չստանան ապրանքը, կխզեն մեզ հետ պայմանագրերը, էդ ժամանակ ի՞նչ ենք անելու: Հսկայական գործարան է՝ 250 աշխատողով, ո՞նց ենք աշխատելու»,-ասաց կոնյակագործը:
