Թեհրանը խոստացել է մոտ ապագայում ԱՄՆ-ին փոխանցել միջուկային ծրագրի վերաբերյալ առաջարկը
Իրանական կողմն Օմանի միջոցով ԱՄՆ-ին կփոխանցի Իրանի միջուկային ծրագրի վերաբերյալ առաջարկները:
Այս մասին հայտնում է իրանական Մեհր լրատվական գործակալությունը՝ հղում անելով Իրանի արտաքին գործերի նախարարության ներկայացուցիչ Էսմայիլ Բաղային:
Ըստ Բաղայի, Թեհրանը ծրագիրը կփոխանցի մոտ ապագայում։ Նա Վաշինգտոնին կոչ է արել բաց չթողնել այդ հնարավորությունը և լուրջ վերաբերվել այդ առաջարկին:
Խոսելով ԱՄՆ-ի և Իրանի միջև բանակցությունների նոր փուլի հնարավորության մասին ՝ Իրանի ԱԳՆ ներկայացուցիչը հայտարարել է, որ, եթե որոշում կայացվի, դրա մասին կհայտարարվի ավելի ուշ:
Ըստ աղբյուրի՝ մայիսի վերջին Թեհրանն արդեն ստացել է միջուկային ոլորտում համաձայնության հասնելու ամերիկյան կողմից առաջարկները։
