«Մենք մինչև արյան վերջին կաթիլը պատրաստ ենք, տղե՛րք, իսկ դուք մինչև արյան վերջին կաթիլը պատրա՞ստ եք ձեր հայրենիքի համար,- Մայր Աթոռում ոստիկաններին դիմեց Տեր Զարեհ քահանա Աշուրյանը և շարունակեց,- Ցավներդ տանեմ, ախր գիտեմ, ամեն մեկդ էլ մի պարզ ընտանիքից հելած՝ աշխատանք չունեք, մտել եք ստեղ փող աշխատեք: Ուղղակի աշխատանք չունեք: Մարմինը հեչ, մի օր մահանալու է, բայց հոգին եք վաճառել:
Մասյացոտնի թեմի Դալարի սուրբ Աստվածածին եկեղեցու հոգևոր հովիվ Տեր Զարեհ քահանա Աշուրյանն օրերս ֆեյսբուքյան իր էջում գրել էր, որ Հայ Առաքելական եկեղեցին պետք է րոպե առաջ մաքրել ազգադավ, նախնյաց հիշատակը անարգած, մկրտության ուխտը դրժած և Սուրբ Դրոշմի կնիքը թլպատության նշանով փոխած կեղծ «հավատացյալներից»:
Փաշինյանի հերթական «պռոխոդը» եհովայի վկաներին՝ հայաստանյան իշխանությունների կողմից Հայ Առաքելական Սուրբ եկեղեցու դեմ ուղղված դեմարշը, որին ականատես ենք դառնում վերջին 6 տարիների ընթացքում, աստիճանաբար նոր ալիք է ստանում։
